माझ्या आजपर्यंतच्या सामाजिक प्रवासाची आणि माझ्या कुटुंबाने घडवलेल्या सेवा-संस्कारांची ओळख आपल्या पुढे सादर करताना मला अत्यंत अभिमान वाटतो. बालपणापासून आपल्या परिसरात वाढताना सामान्य नागरिकांच्या समस्या, अपेक्षा, संघर्ष आणि त्यांची स्वप्ने मी जवळून पाहिली. शिक्षण घेत असतानाच मी कुटुंबासोबत समाजसेवेतील कामांना हातभार लावला आणि त्यातून "जनसंपर्क","जनसेवा" आणि "निश्चित परिणामकारक काम" यांची खरी परंपरा अनुभवली. मनपा शाळा, वसाहतीतील कामे, मनोरुग्णालय, कारागृह, रोजगार निर्मिती, कोरोना काळातील गरजूंना मदत आणि उपक्रम अशा अनेक उपक्रमांमधून मी आणि माझ्या कुटुंबाने सातत्याने जनतेसाठी काम केले आहे. आपल्या पाठिंब्यामुळेच आज मी समाजकारणात अधिक जबाबदारीने आणि दृढ निश्चयाने कार्यरत आहे.
सामाजिक कार्य करताना मला स्थानिक पातळीवरील प्रत्येक समस्येची वास्तव जाणीव झाली आणि "फक्त सेवा नाही तर धोरणात्मक पातळीवर काम करण्यासाठी राजकीय योगदान आवश्यक आहे" ही ठाम जाणीव निर्माण झाली. नागरिकांच्या मूलभूत गरजा, पायाभूत सुविधा, गुणवत्तापूर्ण शिक्षण, महिला सक्षमीकरण, युवकांसाठी रोजगार आणि व्यसनमुक्त समाज या माझ्या कार्यदिशा ठरल्या. आपल्या परिसराचा विकास, स्वच्छता, सुरक्षितता आणि भविष्यातील नियोजन यासाठी मी सातत्याने प्रयत्नशील आहे. आपल्याकडून मिळालेला भक्कम पाठिंबा आणि माझ्यावरचा विश्वास हीच माझी खरी ताकद आहे. मी आजवर केलेल्या प्रत्येक कामात पारदर्शकता, प्रामाणिकपणा आणि सेवा हीच मूल्ये जपली आहेत आणि पुढेही जनतेच्या हितासाठी अविरत कार्य करणार आहे, हा आपल्यापुढे दिलेला शब्द आहे.